Sekuestrohen 226 paketime të barnave në një barnatore në Prizren

08:55 | 6 Korrik 2024
E.K

Policia e Kosovës ka njoftuar se të premten janë konfiskuar një sasi të konsiderueshme të barnave në Prizren.

Sipas raportit 24-orësh të policisë, bëhet e ditur se barnat e konfiskuara kishin qenë pa banderola, të cilat edhe janë sekuestruar nga inspektorati farmaceutik.

“Rr. Sheh Emini, Prizren 27.05.2024 – NN. Njësiti relevant policor, në përkrahje të inspektoriatit farmaceutik, me datën 05.07.2024 ka bërë një inspektim në një barnatore pronë e të dyshuarit mashkull kosovar dhe gjatë inspektimit kanë hasur në paketime të barnave medicinale pa banderola, të cilat barna janë sekuestruar nga inspektorati farmaceutik. Sasia e barërave të konfiskuara është: 84 artikuj me gjithsejtë 266 paketime medicinale të ndryshme me origjinë nga Serbia, Shqipëria dhe Maqedonia e Veriut. Me rekomandim të prokurorit lënda e rastit procedohet në procedurë të rregullt”, thuhet në raport./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm